Gaya Mahasiswa

Dateng di kampus bawa buku tebel-tebel

Dandanan nyentrik bergaye model professor

Ngaku di rume berangkat pegi kulieh

Sampe di kampus nyasarnya ke kantin juge


Cari temen ngobrol sambil ngupi die paling doyan

Nyetanin temen ngajakin bolos kulieh

Kelar kulieh die juge ikut pulang

Belaga pilon kopinye lupe dibayar


Deket ujian die sibuk potokopi

Nyari catetan colek sane colek sini

Waktu ujian houding nye kayaknya ngarti

Ude dua jam kertasnya belon diisi

Giliran pengumuman ujian keluar

Angke-angkenye mereh gak satu birunye

Kalo ditanye: 'nape ancur ujian lu

Jawabnya (santai): dosennya pade sentimen ame gue


Itulah die kisah s'orang mahasiswe

Jangan diconto segala kelakuannye

Kalo pade mau tau of pade mau kenal

Gak jauh jauh...nih die, ai lah orangnye...


tek tek tek tek jing tek tek jing.....

tek tek tek tek jing tek tek jing.....

tek tek tek tek jing tek tek jing.....